കൈതപ്രത്തിന്റെ വരികൾക്ക് അദ്ദേഹത്തിന്റെ തന്നെ സംഗീതത്തിൽ പുറത്തിറങ്ങിയ ഗാനമാണ് "കണ്ണേ ഉറങ്ങുറങ്ങ് പൊന്നോമന കുഞ്ഞേ ഉറങ്ങുറങ്ങ്". ഡോ.കെ.ജെ.യേശുദാസ് ആലപിച്ച ഈ ഗാനം ശങ്കരാഭരണം രാഗത്തിൽ ആണ് ചിട്ടപ്പെടുത്തിയത്. 1998 ൽ പുറത്തിറങ്ങിയ "താലോലം"എന്ന ചിത്രത്തിൽ ആണ് ഈ ഗാനം ഉൾപ്പെട്ടിരിക്കുന്നത്. ആശാപൂർണ്ണ ദേവിയുടെ കഥയ്ക്ക് ടി.എ.റസാക്ക് തിരക്കഥയും സംഭാഷണവും രചിച്ചു. ന്യൂ ജനറേഷൻ സിനിമയുടെ ബാനറിൽ പുറത്തിറങ്ങിയ ഈ ചിത്രം നിർമ്മിച്ചിരിക്കുന്നതും സംവിധാനം ചെയ്തതും ജയരാജാണ്.