"""തുമ്പോലാർച്ച"" എന്ന ചലച്ചിത്രത്തിലെ ഗാനമാണ് ""കണ്ണാന്തളി മുറ്റം പൂത്തെടീ കാവേരിക്കിളി തത്തമ്മേ പൊന്നാതിര തിങ്കളുദിച്ചെടീ പൊന്നോലക്കിളി തത്തമ്മേ തത്തമ്മേ"" എന്ന ഈ ഗാനം. വയലാർ രാമവർമ്മ എഴുതി, ജി ദേവരാജൻ സംഗീതം നൽകി, പി സുശീല ആലപിച്ച ഗാനം. 1974ൽ പ്രദർശനത്തിനെത്തിയ മലയാളചിത്രമാണ് തുമ്പോലാർച്ച. എക്സൽ പ്രൊഡക്ഷൻസിന്റെ ബാനറിൽ കുഞ്ചാക്കോയാണ് ഈ ചിത്രം സംവിധാനം ചെയ്തത്. വടക്കൻപാട്ടിലെ വീരനായികയായ തുമ്പോലാർച്ചയുടെ വീരകഥയ്ക്ക് ശാരംഗപാണിയാണ് ചലച്ചിത്രഭാഷ്യം നല്കിയത്. 1974 ആഗസ്റ്റ് 23നു എക്സൽ പ്രൊഡക്ഷൻസ് ഈ ചിത്രം പ്രദർശനശാലകളിലെത്തിച്ചു. അഭിനേതാക്കൾ പ്രേംനസീർ, ഷീല, ഉമ്മർ, തിക്കുറിശ്ശി, ശ്രീവിദ്യ, അടൂർ ഭാസി, സുമിത്ര, എസ്.പി. പിള്ള, അടൂർ പങ്കജം തുടങ്ങിയവർ."