കമൽ സംവിധാനം ചെയ്ത 'പാവം പാവം രാജകുമാരൻ' എന്ന സിനിമയിലെ ഗാനമാണ് "" കണ്ണാടിക്കയ്യിൽ, കല്യാണം കണ്ടോ കാക്കാത്തിക്കിളിയേ"" എന്നത്. കൈതപ്രം ദാമോദരൻ നമ്പൂതിരിയുടെ വരികൾക്ക് ജോൺസൺ മാഷാണ് ഈണം നൽകിയിരിക്കുന്നത്. മലയാളത്തിന്റെ വാനമ്പാടി കെ.എസ് ചിത്രയാണ് ഈ ഗാനം പാടിയിരിക്കുന്നത്. കത്തുകളിലൂടെ മാത്രം പരിചയമുള്ള കാമുകിയുടെ കൂടെയുള്ള ജീവിതം സ്വപ്നം കാണുന്ന നായകനാണ് ഗാനരംഗത്തിലുള്ളത്. ഗാനത്തിലുടനീളം അയാൾ അയാളുടെ ആഗ്രഹങ്ങളും സ്വപ്നങ്ങളും ഒക്കെ ഓർത്തെടുക്കുകയാണ്.