"കാണാതെ മെല്ലെ മെയ് തൊട്ടു കാരുണ്യമോലുന്ന കണ്ണീർ വിരൽ ഒരു താരാട്ടിനായ് മിഴി പൂട്ടുന്നുവോ ധനുമാസ മൗനയാമിനീ നീ (കാണാതെ) ഒരു മുഴം ചേല കൊണ്ടെന്നെ മഞ്ഞക്കുറിക്കോടിയും ചുറ്റി ഒരു പവൻ കോർത്തു തന്നെന്നെ തിരുവാഭരണവും ചാർത്തി അരികിൽ ചേർത്തു നിർത്തി നീലമയിൽപ്പീലി തന്നു ആലിലപ്പൊൻ‌കണ്ണനായ് ഞാൻ (കാണാതെ) നിറമിഴിത്തൂവൽ കൊണ്ടെന്റെ തനുവിൽ പൂന്തണലായ് എരിവെയിൽ പാടവരമ്പിൽ പൊഴിയാപ്പുതുമഴ പെയ്തു വിറയും കൈ തലോടി നേർവഴിയിൽ നന്മ നേർന്നു എത്രമാത്രം ധന്യനാണോ ഞാൻ (കാണാതെ)" - 'അരയന്നങ്ങളുടെ വീട്' എന്ന മലയാളം സിനിമയിലെ മനോഹരമായ ഗാനമാണിത്. കെ ജെ യേശുദാസാണ് ഈ ഗാനം ആലപിച്ചത്. രവീന്ദ്രൻ സംഗീത സംവിധാനം നിർവഹിച്ചു. ഈ ഗാനത്തിന്റെ വരികൾ എഴുതിയത് ഗിരീഷ് പുത്തഞ്ചേരിയാണ്.