"സമുദ്രം" എന്ന ചലച്ചിത്രത്തിലെ ഗാനമാണ് "കല്യാണ രാത്രിയിൽ കാന്തനരികിലെത്തുമ്പോൾ കല്യാണീ കളവാണീ നീയെന്തു ചെയ്യും നീ എന്തു ചെയ്യും നാഥന്റെ മുൻപിലൊരു നാലുമണി പൂവു പോലെ നാണിച്ചു നാണിച്ചു നിൽക്കും ഞാൻ" എന്ന ഈ ഗാനം. യൂസഫലി കേച്ചേരി എഴുതി, ജി ദേവരാജൻ സംഗീതം നൽകി, പി മാധുരി, കോറസ് എന്നിവർ ആലപിച്ച ഗാനം. 1977ൽ സുവർണ്ണ ആർട്സിന്റെ ബാനറിൽ കെ.സുകുമാരന്റെ കഥക്ക്,എം. ആർ ജോസഫ് തിരക്കഥ യും സംഭാഷണവുമെഴുതി കെ. സുകുമാരൻ സംവിധാനം ചെയ്ത ചിത്രമാണ് സമുദ്രം. പ്രേം നസീർ, ഷീല,തിക്കുറിശ്ശി സുകുമാരൻ നായർ ,അടൂർ ഭാസി ,ബഹദൂർ ,ടി പി മാധവൻ ,രവികുമാർ ,ജയഭാരതി, ശ്രീലത, തുടങ്ങിയവർ അഭിനയിച്ച ഈ ചിത്രത്തിൽ യൂസഫലി കേച്ചേരിയുടെ വരികൾക്കു ദേവരാജൻ ഈണം പകർന്ന ഗാനങ്ങളാണൂള്ളത്.