കല്യാണ തലേദിവസം ആഘോഷിക്കുന്ന ദൃശ്യം പശ്ചാത്തലമാക്കിയ പ്രസന്ന ഗാനം. 2020 -ൽ പുറത്തിറങ്ങിയ 'വർക്കി' എന്ന ചിത്രത്തിലേതാണ് ഈ ഗാനം. വരികൾ എഴുതിയിരിക്കുന്നത് ചിത്രത്തിൻ്റെ സംവിധായകനായ ആദർശ് വേണുഗോപാലാണ്. സുമേഷ് സോമസുന്ദരാണ് വരികൾക്ക് മനോഹരമായ ഈണം സമ്മാനിച്ചിരിക്കുന്നത്. പ്രശസ്ത ഗായകരായ സിയാ-ഉൽ -ഹഖ്, റിമി ടോമി , ശ്രീനന്ദ , ബീന ലിബോയ് എന്നിവരാണ് ആലപിച്ചിരിക്കുന്നത് . പ്രധാനവേഷം കൈകാര്യം ചെയ്തിരിക്കുന്നത് സമദ് സുലൈമാനാണ്.