എ.ബി. രാജ് സംവിധാനം ചെയ്ത് ടി. ഇ. വാസുദേവൻ നിർമ്മിച്ച് 1977-ൽ പുറത്തിറങ്ങിയ ഒരു മലയാള ചലച്ചിത്രമാണ് "കടുവയേ പിടിച്ച കിടുവ". പ്രേം നസീർ, സുകുമാരി, അടൂർ ഭാസി, ലക്ഷ്മി എന്നിവർ പ്രധാന വേഷങ്ങളിൽ അഭിനയിച്ചിരിക്കുന്നു. സംഗീതം വി. ദക്ഷിണാമൂർത്തിയാണ് നിർവഹിച്ചത്. എസ്.എൽ.പുരം സദാനന്ദൻ ആണ് തിരക്കഥ. സി.നമശിവായം ഈ ചിത്രത്തിന്റെ ഛായാഗ്രഹണം നിർവ്വഹിച്ചു. ജയ മാരുതി പ്രൊഡക്ഷൻ കമ്പനിയാണ് ചിത്രം വിതരണം ചെയ്തത്. ചിത്രം 1977 മാർച്ച് 25ന് പുറത്തിറങ്ങി.