"റാഫി - മെക്കാർട്ടിന്റെ തിരക്കഥയിലും സംവിധാനത്തിലും 2000ൽ പുറത്തിറങ്ങിയ തെങ്കാശിപ്പട്ടണം എന്ന ചിത്രത്തിലെ ഗാനമാണ് ""കടമിഴിയിൽ കമലദളം, നടനടന്നാൽ പുലരിമഴ, കടമിഴിയിൽ കമലദളം കവിളിണയിൽ സിന്ദൂരം, കടമിഴിയിൽ കമലദളം കവിളിണയിൽ സിന്ദൂരം, കന്നിപ്പൂമാനത്തെ വെള്ളിക്കിണ്ണം, കരളിൽ ഞാൻ നിനക്കായ് ഒളിച്ചു വെച്ചു, മൂക്കുത്തിക്കമ്മലിടും പൂത്താരങ്ങൾ, സഖിമാരായ് നിന്നൊടൊത്തണഞ്ഞു നിന്നു, നടനടന്നാൽ പുലരിമഴ പൂഞ്ചൊടിയിൽ പുന്നാരം"". കൈതപ്രം ദാമോദരൻ നമ്പൂതിരിയുടെ വരികൾക്ക് സംഗീതസംവിധാനം ചെയ്തത് സുരേഷ് പീറ്റേഴ്‌സാണ്. മനോഹരമായ ഈ ഗാനം ആലപിച്ചിരിക്കുന്നത് മനോയും സ്വർണ്ണലതയും ചേർന്നാണ്. ലാൽ ക്രിയേഷൻസിന്റെ ബാനറിലാണ് ചിത്രം നിർമിച്ചത്. സുരേഷ് ഗോപി, ലാൽ, കാവ്യ മാധവൻ, ബിയോണ്‍ ജെമിനി, സംയുക്ത വർമ്മ, ഗീതു മോഹൻദാസ്, ദിലീപ്, സ്ഫടികം ജോർജ്ജ്, സലീം കുമാർ തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. സാലു ജോർജാണ് ചിത്രത്തിന്റെ ഛായാഗ്രഹണം നിർവഹിച്ചത്. ചിത്രസംയോജനം കെ പി ഹരിഹരപുത്രൻ. കാത്തിരുന്നൊരു ചക്കരക്കുടം, പച്ചപ്പവിഴ വർണ്ണക്കുട, എങ്ങു പോയ് നീ എങ്ങു പോയ് നീ, ഒരു സിംഹമലയും കാട്ടിൽ എന്നിവയാണ് ഈ ചിത്രത്തിലെ മറ്റു ഗാനങ്ങൾ"