ചതുരംഗം"" എന്ന ചലച്ചിത്രത്തിലെ ഗാനമാണ് കടലിന്നക്കരെ കടലിന്നക്കരെ കടലമ്മക്കുണ്ടൊരു കൊട്ടാരം കൊട്ടാരത്തിലെ കൊച്ചു പെണ്ണേ - നിന ക്കെവിടുന്നു കിട്ടിയീ മുത്താക്ക്"" എന്ന ഈ ഗാനം. വയലാർ രാമവർമ്മ എഴുതി, ജി ദേവരാജൻ സംഗീതം നൽകി, കെ എസ് ജോർജ്, ശാന്താ പി നായർ എന്നിവർ ആലപിച്ച ഗാനം. ജെ ആൻഡ് ജെ ആർട്ട് പ്രൊഡക്ഷനുവേണ്ടി ഡോ. ജി.റ്റി. ജോഷ്വ വാഹിനി വിജയാ സ്റ്റുഡിയോയിൽ നിർമിച്ച മലയാളചലച്ചിത്രമാണ് ചതുരംഗം. ഈ ചിത്രം 1959 ഒക്ടോബർ 10-ന് പ്രദർശനം തുടങ്ങി. ഡോ. ജോഷ്വയും ജെ. ഡി. തോട്ടാനും ചേർന്നു തയ്യാറാക്കിയ കഥക്ക് മുതുകുളം രാഘവൻ പിള്ളയും പൊൻകുന്നം വർക്കിയും കൂടി സംഭാഷണം എഴുതി. വയലാർ രാമവർമ്മ രചിച്ച ഗനങ്ങൾക്ക് പറവൂർ ജി. ദേവരാജൻ ഈണം നൽകി. ശബ്ദലേഘനം എ. കൃഷ്ണനും നൃത്തസംവിധാനം കെ. തങ്കപ്പനും രംഗസംവിധാനം കെ.പി. ശങ്കരങ്കുട്ടിയും ചിത്രസംയോജനം എം.എസ്. മണിയും ഛായാഗ്രഹണം ഇ.എൻ.സി. നായരും വേഷാലംകാരം പി.എൻ. കൃഷ്ണനും വസ്ത്രാലംകാരം ഡി. ഗണേഷനും നിർവഹിച്ചു. ഈ ചിത്രത്തിന്റെ സംവിധാനം നിർവഹിച്ചത് ജെ.ഡി. തോട്ടാനാണ്