"ലെനിൻ രാജേന്ദ്രൻ രചിച്ച് സംവിധാനം ചെയ്ത 2000ൽ പുറത്തിറങ്ങിയ മഴ എന്ന ചിത്രത്തിലെ ഗാനമാണ് ""ഇത്രമേൽ മണമുള്ള കുടമുല്ലപ്പൂവുകൾക്കെത്ര, കിനാക്കളുണ്ടായിരിക്കും, സന്ധ്യാംബരത്തിന്റെ മന്ദസ്മിതങ്ങളിൽ, അവയെത്രയഴകുള്ളതായിരിക്കും"". കെ ജയകുമാറിന്റെ വരികൾക്ക് സംഗീതസംവിധാനം ചെയ്തത് രവീന്ദ്രനാണ്. മനോഹരമായ ഈ ഗാനം ആലപിച്ചിരിക്കുന്നത് ഗാനഗന്ധർവൻ കെ. ജെ. യേശുദാസാണ്. മില്ലേനിയം സിനിമയുടെ ബാനറിൽ ജി ഹരികുമാറാണ് ഈ ചിത്രം നിർമിച്ചത്. സംയുക്ത വർമ്മ, ലാൽ, ഊർമിള ഉണ്ണി, ജഗതി ശ്രീകുമാർ, തിലകൻ, ബിജു മേനോൻ, സിന്ധു ശ്യാം, ലക്ഷ്മി രത്തൻ, ഓമന ഔസേഫ്, ഗായത്രി തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. എസ് കുമാർ ISC യാണ് ഛായാഗ്രഹണം നിർവഹിച്ചത്. ചിത്രസംയോജനം ബീനാ പോൾ, ബി അജിത് കുമാർ എന്നിവർ. ആരാദ്യം പറയും, ഗേയം ഹരിനാമധേയം, ഹിമശൈലസൗന്ദര്യമായ്, മഞ്ഞിന്റെ മറയിട്ട, ആഷാഢം പാടുമ്പോൾ, വാര്‍മുകിലെ വാനില്‍ നീ, പാരുക്കുള്ളേ നല്ല നാട് എന്നിവയാണ് ഈ ചിത്രത്തിലെ മറ്റു ഗാനങ്ങൾ."