"രാജൻ കിഴക്കേനല തിരക്കഥയും സംഭാഷണവും എഴുതി രാജസേനൻ സംവിധാനം ചെയ്ത് ജയറാം,അഭിരാമി,നരേന്ദ്രപ്രസാദ്, ഒടുവിൽ ഉണ്ണികൃഷ്ണൻ എന്നിവർ പ്രധാന കഥാപാത്രങ്ങളെ അവതരിപ്പിച്ച ചലച്ചിത്രമാണ് 'ഞങ്ങൾ സന്തുഷ്ടരാണ്'. ഈ സിനിമയ്ക്ക് വേണ്ടി എസ്. രമേശൻ നായർ വരികളെഴുതി ഔസേപ്പച്ചൻ ഈണം നൽകിയ ഗാനമാണ് "" ഇരുമെയ്യും ഒരുമനസ്സും ഈറനാം ഈ രാവുകളും ഇതളിതളായ്‌ തേൻചൊരിയും ഈ നിലാവും പൂവുകളും "" എന്നുള്ളത്. ഈ ഗാനം പാടിയിരിക്കുന്നത് കെ.ജെ യേശുദാസും കെ.എസ് ചിത്രയും ചേർന്നാണ്. നായകന്റെയും നായികയുടെയും പ്രണയത്തെ വളരെ ഭംഗിയായി ഗാനരംഗത്തിൽ ആവിഷ്ക്കരിച്ചിട്ടുണ്ട്. പ്രണയഗാനങ്ങളിൽ പലരുടെയും ഇഷ്ട്ടഗാനം കൂടെയാണ് ഈ പാട്ട്.