എം.എ. നിഷാദ് സംവിധാനം ചെയ്ത് സുസ്മേത്ത് ചന്ദ്രോത്ത് എഴുതി സന്തോഷ് മത്തായിയും ബിജു ജോണും ചേർന്ന് നിർമ്മിച്ച് 2006-ൽ പുറത്തിറങ്ങിയ മലയാളചലച്ചിത്രമാണ് "പകൽ". "ഇനിയുമെൻ പാട്ടിലേക്ക് ഇറ്റിറ്റ് വീഴുന്ന" എന്ന് തുടങ്ങുന്ന ഗാനം ചിട്ടപ്പെടുത്തിയത് ജി. രാധാകൃഷ്ണനും, ആലപിച്ചത് കെ.ജെ. യേശുദാസും ആണ്. ഗിരീഷ് പുത്തേച്ചേരിയാണ് ഗാനത്തിന്റെ വരികൾ എഴുതിയത്. സാമ്പത്തിക ബുദ്ധിമുട്ടുകൾ മൂലം കർഷകർ ആത്മഹത്യ ചെയ്യാൻ നിർബന്ധിതരാകുന്ന വയനാട്ടിലെ കർഷകരുടെ ലോകമാണ് ഈ ചിത്രം പ്രേക്ഷകരെ കാണിക്കുന്നത്. പൃഥ്വിരാജും ജ്യോതിർമയിയുമാണ് പ്രധാന കഥാപാത്രങ്ങളെ അവതരിപ്പിച്ചത്.