2001 ൽ പുറത്തിറങ്ങിയ "കണ്ണകി" എന്ന ചിത്രത്തിലെ ഒരു ഗാനമാണ് ഇനിയൊരു ജന്മമുണ്ടെങ്കില്‍ നമുക്കാ". കൈതപ്രത്തിന്റെ വരികൾക്ക് കൈതപ്രം വിശ്വനാഥ്‌ ആണ് സംഗീതം പകർന്നത്. ഹരികാംബോജി രാഗത്തിലായാണ് ഈ ഗാനം ചിട്ടപ്പെടുത്തിയത്. ഡോ.കെ.ജെ.യേശുദാസ് ആണ് ഈ ഗാനം ആലപിച്ചത്. ഷേക്‌സ്‌പെയറിന്റെ ആന്റണി ആൻഡ് ക്ലിയോപാട്ര എന്ന നാടകത്തിന്റെ സ്വതന്ത്ര ആവിഷ്കാരമായിട്ടായിരുന്നു ഈ ചിത്രം പുറത്തിറങ്ങിയത്. സജീവ് കിളികുലം കഥ,തിരക്കഥ,സംഭാഷണം എന്നിവ നിർവ്വഹിച്ച ഈ ചിത്രം ജയരാജ് സംവിധാനം ചെയ്തു.