"""തിരിച്ചടി"" എന്ന ചലച്ചിത്രത്തിലെ ഗാനമാണ് ""ഇന്ദുലേഖേ ഇന്ദുലേഖേ ഇന്ദ്രസദസ്സിലെ നൃത്തലോലേ ഈ രാത്രി നിന്നെ കണ്ടിട്ടെനിയ്ക്കൊരു തീരാത്ത തീരാത്ത മോഹം ആഹഹാ....ആ.."" എന്ന ഈ ഗാനം. വയലാർ രാമവർമ്മ എഴുതി, ആർ സുദർശനം സംഗീതം നൽകി, കെ ജെ യേശുദാസ്, പി സുശീല എന്നിവർ ആലപിച്ച ഗാനം. എക്സെൽ പ്രൊഡക്ഷൻസിനു വേണ്ടി എം. കുഞ്ചാക്കോ സംവിധാനം ചെയ്തു നിർമിച്ച മലയാളചലച്ചിത്രമാണ് തിരിച്ചടി. ആലപ്പുഴ ഉദയാസ്റ്റുഡിയോയിൽ നിർമിച്ച ഈ ചിത്രത്തിന്റെ വിതരണം എക്സെൽ പ്രൊഡക്ഷൻസിനു തന്നെയായിരുന്നു. പ്രേം നസീർ ഇരട്ടവേഷത്തിൽ അഭിനയിച്ച ഈ ചിത്രം 1968 മാർച്ച് 8-ന് കേരളത്തിൽ പ്രദർശനം തുടങ്ങി. അഭിനേതാക്കൾ പ്രേം നസീർ, കൊട്ടാരക്കര, ഷീല, കാഞ്ചന തുടങ്ങിയവർ.