"""മദ്രാസിലെ മോൻ"" എന്ന ചിത്രത്തിലെ ഗാനമാണ് ""ഇളം കൊടി ഇളംകൊടി മലർക്കൊടി തളിർക്കൊടി ഞാൻ സുഗന്ധവും മരന്ദവും പകർന്നിടും നടന വിലാസിനി മദന വിനോദിനി"" എന്ന ഈ ഗാനം. എ പി ഗോപാലൻ എഴുതി ജി ദേവരാജൻ സംഗീതം നൽകി പി മാധുരി ആലപിച്ച ഗാനം. ജെ. ശശികുമാർ സംവിധാനം ചെയ്ത് 1982-ൽ പുറത്തിറങ്ങിയ ഒരു മലയാളചലച്ചിത്രമാണ് മദ്രാസിലെ മോൻ. കരിക്കൻവില്ല കൊലപാതകം എന്ന പേരിൽ അറിയപ്പെട്ടിരുന്ന ഒരു യഥാർത്ഥ കൊലപാതകത്തെ അടിസ്ഥാനമാക്കിയാണ് ഈ ചിത്രം നിർമ്മിച്ചിരിക്കുന്നത്. തമ്പി കണ്ണന്താനം, രവീന്ദ്രൻ, മോഹൻലാൽ, രവികുമാർ, കെ.പി. ഉമ്മർ എന്നിവരാണ് ഈ ചിത്രത്തിലെ പ്രധാന വേഷങ്ങൾ കൈകാര്യം ചെയ്തിരിക്കുന്നത്. ചിത്രം 1982 ജനുവരി 1-നാണ് പ്രദർശനത്തിനെത്തിയത്. എ.പി. ഗോപാലനാണ് ചിത്രത്തിലെ ഗാനങ്ങൾ രചിച്ചിരിക്കുന്നത്. പറവൂർ ദേവരാജൻ ഗാനങ്ങൾക്ക് സംഗീതം നൽകിയിരിക്കുന്നു."