2002 ൽ പുറത്തിറങ്ങിയ "നന്ദനം" എന്ന ഫാന്റസി ഡ്രാമ ചിത്രത്തിലേതാണ് "ഗോപികേ ഹൃദയമൊരു വെണ്‍ശംഖു പോലെ തീരാ വ്യഥകളില്‍ വിങ്ങുന്നുവോ"എന്ന ഗാനമുള്ളത്. മധ്യമാവതി രാഗത്തിൽ ചിട്ടപ്പെടുത്തിയ ഈ ഗാനം രചിച്ചത് ഗിരീഷ് പുത്തഞ്ചേരിയാണ്. ഈ ഗാനത്തിന് സംഗീതം നൽകിയത് രവീന്ദ്രൻ ആണ്. രഞ്ജിത്ത് ബാലകൃഷ്ണൻ ആണ് ഈ ചിത്രത്തിന്റെ കഥ,തിരക്കഥ,സംവിധാനം എന്നിവ നിർവഹിച്ചിരിക്കുന്നത്. ഭാവന സിനിമാസിന്റെ ബാനറിൽ രഞ്ജിത്ത് ബാലകൃഷ്ണനും നടൻ സിദ്ധിക്കും ചേർന്നാണ് ഈ ചിത്രം നിർമ്മിച്ചിരിക്കുന്നത്.