അമ്മേ ശരണം ദേവീ ശരണം' എന്ന ഭക്തിഗാന ആൽബത്തിലെ ഏറ്റവും പ്രശസ്തമായ പാട്ടാണ് "ഗം ഗാനനായകം വന്ദേഹം". ഈ ഗാനത്തിന്റെ വരികൾ കൈതപ്രം ദാമോദരൻ നമ്പൂതിരിയും ഈണം നൽകിയത് രവീന്ദ്രൻ മാഷുമാണ്. അതുല്യനായ കെ. ജെ യേശുദാസാണ് ഈ മനോഹരമായ ഗാനം ആലപിച്ചിരിക്കുന്നത്. ഈ ഗാനം നിർമ്മിച്ചിരിക്കുന്നത് തരംഗിണി മ്യൂസിക്കാണ്. ആസ്വാദകരിൽ ദൈവികസാന്നിധ്യം അനുഭവവേദ്യമാകുന്നതാണ് പാട്ടിന്റെ പ്രത്യേകതയായി ഏവരും ചൂണ്ടികാണിക്കുന്ന സവിശേഷത. ദൈവത്തിൽ ശരണം പ്രാപിക്കാൻ മനുഷ്യനെ പ്രേരിപ്പിക്കുന്ന, ഏറെ ആരാധകരുള്ള ഗാനം കൂടിയാണ്.