ఆంధ్ర ప్రదేశ్ మరియు తెలంగాణ ఎన్నో వేల సంవత్సరాలుగా వివిధ రాజులచే పాలించబడ్డాయి. సహజంగానే, వీరిలో అనేక మంది పాలకులు తమ కోసం కోటలను నిర్మించుకున్నారు. ఈ కోటలు చాలావరకు శిధిలావస్థలో నేడు కూడా కనిపిస్తాయి. ఈ మల్టీ-పార్ట్ సిరీస్ తెలుగు రాష్ట్రాలలోని కోటల గురించి, అనగా వాటిని నిర్మించిన పాలకుల పేర్లు, వారి ప్రత్యేక నిర్మాణం, అక్కడ జరిగిన యుద్ధాలు మొదలైన ఆసక్తికరమైన సమాచారాన్ని మీకు అందిస్తుంది. ఈ భాగంలో నిర్మల్ కోట గురించి తెలియజేయడం జరిగింది. చారిత్రక ప్రాముఖ్యం కలిగిన నిర్మల్ కోట తెలంగాణ రాష్ట్రంలోని నిర్మల్ జిల్లా కేంద్రంలో ఉంది. రాజకీయంగా, ఆర్థికంగా ఎంతో పేరు సంపాదించిన నిర్మల్ కోటకు సుమారు 400 ఏళ్ల ఘన చ‌రిత్ర ఉంది. క్రీ.శ. 1747 లో ప్రెంచ్ ఇంజనీర్ల సహాయంతో ఈ నిర్మల్‌ గిరిదుర్గాను నిర్మించడం జరిగింది. నిర్మల్‌ కోట చుట్టూతా, రాతి గోడ పొడవునా ఎత్తైన 64 బురుజులు, కోటలోనికి ప్రవేశించడానికి ఏడు ప్రవేశ ద్వారాలు నిర్మించారు. కోట గురించి ఇటువంటి మరెన్నో ఆసక్తికరమైన విశేషాలు ఈ ప్రదర్శన ద్వారా తెలుసుకోవచ్చు.