"""മാടമ്പി"" എന്ന ചലച്ചിത്രത്തിലെ ഗാനമാണ് ""എന്റെ ശാരികേ പറയാതെ പോകയോ നിലാവിലെ നിഴൽ മേടയിൽ പാതി മാഞ്ഞ പാട്ട് ഞാൻ... പെയ്തൊഴിഞ്ഞുവോ കുളിരുന്നൊരോർമ്മകൾ... കിനാവിലെ കിളിവാതിലിൽ കാത്തിരുന്ന സന്ധ്യ ഞാൻ എന്റെ ശാരികേ... "" എന്ന ഈ ഗാനം. ഗിരീഷ് പുത്തഞ്ചേരി എഴുതി, എം ജയചന്ദ്രൻ സംഗീതം നൽകി, സുദീപ് കുമാർ ആലപിച്ച ഗാനം. ബി.ഉണ്ണിക്കൃഷ്ണൻ സം‌വിധാനം ചെയ്ത് 2008ൽ പുറത്തിറങ്ങിയ മോഹൻലാൽ ചിത്രമാണ്‌ മാടമ്പി. പത്തനംതിട്ട ഇലവട്ടം ഗ്രാമത്തിലെ പലിശക്കാരനായ ഗോപാലകൃഷ്ണപിള്ളയുടെ ജീവിതാനുഭവങ്ങൾ കേരളത്തിലെ ഫ്യൂഡലിസത്തിന്റെ മേമ്പൊടിയോടെ അവതരിപ്പിച്ചിരിക്കുന്ന ചിത്രമാണിത്.അഭിനേതാക്കൾ മോഹൻലാൽ, അജ്മൽ അമീർ, കാവ്യാ മാധവൻ, സായി കുമാർ,സിദ്ദീഖ് ,ജഗതി ശ്രീകുമാർ, കെ.പി.എ.സി. ലളിത തുടങ്ങിയവർ."