‘சிக்சாக்’ என்னும் இந்த நகைச்சுவையான, கற்பனைக் கதை ஆஷா நெஹேமியா அவர்களால் எழுதப்பட்டதாகும். ஒரு செல்லப் பிராணியால் வீட்டில் ஏற்படும் குழப்பங்களையும் அமளிகளையும் பற்றியது இக்கதை. சிக்சாக் என்னும் இருபத்தியொரு மொழிகளில் பேசும், பாடும் வினோதப் பறவை வீட்டிற்குள் நுழைவதிலிருந்து கதை தொடங்குகிறது. சிச்சாக் வீட்டிற்கு வந்ததிலிருந்து கோபமாகவும், தூங்கிக் கொண்டும் இருந்தது. அதனுடைய சத்தமான வினோதக் குறட்டை ஒலி, குடும்பத்தினரையும் அண்டை வீட்டினரையும் அமைதியிழக்கச் செய்தது. வீட்டில் வைத்திருக்க முடியாமல் மருத்துவர். கிருஷ்ணன் தன் மருத்துவமனைக்கு அழைத்துச் சென்றார். அங்கு சென்றவுடன் குழந்தைகளை மகிழ்வித்தும், அமைதிப் படுத்தியும் உதவி செய்தது சிக்சாக். இதனால், ஆச்சர்யமடைந்த கிருஷ்ணன் அது ஒரு பொக்கிஷம் என்பதை உணர்ந்தார். இந்த விளக்கப்படத்தில் கதாசிரியர் அறிமுகம், வண்ணமயமான படங்களுடன் கூடிய கதைச் சுருக்கம், பாத்திரப் பகுப்பாய்வு, மனவரைபடம் ஆகியவை உள்ளன. இக்கதையில் உள்ள நகைச்சுவையும், கற்பனையும் படிப்பவரை மகிழ்விக்கும். திருமதி. கிருஷ்ணனின் பகடிப் பேச்சு சிரிப்பைத் தூண்டும் வகையில் இருக்கும். இந்த நகைச்சுவையான கதையை முழுதாகப் படிக்க இவ்விளக்கப்படத்தைக் காணுங்கள்.