இந்த விளக்கக்காட்சியானது, ஐஎன்எஸ்வி தாரிணி என்ற பாய்மரப் படகில் தனியாக 254 நாட்கள் உலகைச் சுற்றி வந்த அனைத்து மகளிர் இந்தியக் கடற்படைக் குழுவினரைப் பற்றியது. நாரி சக்தி (பெண்கள் சக்தி) மீதான இந்திய அரசாங்கத்தின் உத்வேகத்தை சித்தரிக்கும் அதே வேளையில் கடற்படையில் கடல் படகோட்டம் நடவடிக்கைகளை ஊக்குவிப்பதில் இந்த திட்டம் இன்றியமையாததாக கருதப்படுகிறது. உள்நாட்டிலேயே கட்டப்பட்ட ஐஎன்எஸ்வி தாரிணி கப்பலில் பயணம் செய்து, ‘மேக் இன் இந்தியா’ முயற்சியை வெளிக்காட்டுவதை நோக்கமாகக் கொண்டது இந்தப் பயணம். லெப்டினன்ட் கமாண்டர் வர்த்திகா ஜோஷி தலைமையிலான இந்திய கடற்படையின் மகளிர் மட்டும் கொண்ட குழுவே கடல் வழியாக உலகை சுற்றி வந்த முதல் குழு ஆகும். மேலும் அனைத்து மகளிர் அணியில் லெப்டினன்ட் சி.டி.ஆர். பிரதிபா ஜம்வால், லெப்டினன்ட் சி.டி.ஆர். ஸ்வாதி படரபள்ளி, லெப்டினன்ட் ஐஸ்வர்யா போத்தபதி, லெப்டினன்ட் ஷ. விஜயா தேவி மற்றும் லெப்டினன்ட் பாயல் குப்தா அதன் குழுவினராக இருந்தனர். 10 செப்டம்பர் 2017 அன்று கோவாவில் இருந்து இந்திய பாதுகாப்பு அமைச்சர் கொடியசைத்து, குழுவினர் தங்கள் பயணத்தைத் தொடங்கினர். இது ஒரு வரலாற்று நாள் ஆகும். ஏப்ரல் 2018 கோவாவுக்குத் திரும்புவதற்கு முன், ரேஷன் பொருட்களை நிரப்புவதற்கும் பழுதுபார்ப்பதற்கும் நான்கு துறைமுகங்களில் (ஃபெர்மான்டில், ஆஸ்திரேலியா; லிட்டில்டன், நியூசிலாந்து; போர்ட் ஸ்டான்லி, ஃபாக்லாந்து மற்றும் கேப் டவுன், தென்னாப்பிரிக்கா) நிறுத்தம் உட்பட இந்த கடல் சுற்றுப் பயணத்தை ஐந்து கட்டங்களாக மேற்கொண்டனர். அவர்கள் 254-நாட்களுக்குள் உலகம் முழுவதும் சுற்றிவிட்டு 21 மே 2018 அன்று கோவா துறைமுகத்தை அடைந்தனர். ஆறு உறுப்பினர்களைக் கொண்ட பெண் குழுவினர் தங்களது சாதனைப் பயணத்தின் போது பல ஸ்டீரியோடைப்களை (பழமையான சிந்தனைகளை) உடைத்தனர். இந்தியாவின் மகளிர் மட்டும் கடற்படைக் குழுவினர், தங்கள் சிறந்த பயணத்தைப் பற்றிய அனுபவங்களை ஒரு நேர்காணலில் பகிர்ந்துள்ளனர். அவர்களின் தனிப்பட்ட அனுபவங்கள் மூலம், அவர்களின் பயணத்தில் அவர்கள் எதிர்கொண்ட அவர்களின் கஷ்டங்கள் மற்றும் கற்பனை செய்ய முடியாத சவால்களை நாம் அறிந்துகொள்ளலாம். இந்த விளக்கக்காட்சி அவர்களின் நேர்காணலை உள்ளடக்கியது. மேலும், புரிந்து கொள்ள உதவும் வகையில் தமிழ் மற்றும் ஆங்கிலம் ஆகிய இரு மொழிகளிலும் உள்ளது. விளக்கக்காட்சியைப் பதிவிறக்கம் செய்து பயண அனுபவங்களைப் படித்து மகிழவும்.