എസ് ജാനകി പാടിയ നാടൻ പെണ്ണ് എന്ന ചിത്രത്തിലെ ഒരു ഗാനമാണ്"ഈയിടെ പെണ്ണിനൊരു". സംഗീത പ്രേമികൾ ജാനകിയമ്മ എന്ന് വിളിക്കുന്ന ഇന്ത്യൻ പിന്നണി ഗാനരംഗത്തെ ഇതിഹാസങ്ങളിൽ ഒരാളാണ് എസ് ജാനകി. 5 പതിറ്റാണ്ടുകൾ നീണ്ട അവരുടെ സംഭവബഹുലമായ സംഗീത ജീവിതത്തിൽ ഇന്ത്യൻ ഭാഷകളിലും വിദേശ ഭാഷകളിലുമായി 20,000 ഗാനങ്ങളും നാല് ദേശീയ അവാർഡുകളും മുപ്പത് സംസ്ഥാന അവാർഡുകളും ജാനകിയമ്മ നേടിയിട്ടുണ്ട്. വയലാർ രാമവർമ എഴുതിയ വരികൾക്ക് സംഗീതം നൽകിയത് ജി.ദേവരാജനാണ്. കെ.എസ്. സേതുമാധവൻ സംവിധാനം ചെയ്ത് എം.ഒ. ജോസഫ് നിർമ്മിച്ച നാടൻ പെണ്ണ് 1967-ൽ പുറത്തിറങ്ങിയ ഒരു ഇന്ത്യൻ മലയാളം ചലച്ചിത്രമാണ്. പ്രേം നസീർ, സത്യൻ, ഷീല, ജയഭാരതി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഈ ചിത്രം പിന്നീട് പ്രേമജീവുലു എന്ന പേരിൽ തെലുങ്കിൽ റീമേക്ക് ചെയ്തു. തെലുങ്ക് സിനിമയിൽ സൂപ്പർസ്റ്റാർ കൃഷ്ണ, കാന്ത റാവു, രാജശ്രീ എന്നിവർ അഭിനയിച്ചിരുന്നു.