""ലാവ"" എന്ന ചലച്ചിത്രത്തിലെ ഗാനമാണ് ""ഈ താരുണ്യപ്പൂവിനു കൈനീട്ടല്ലേ പതിനെഴിന്റെ മുറ്റത്ത് ചാഞ്ചാടുമീ പനിനീരിന്റെ തേനിനു കൈ നീട്ടല്ലേ ആരും ചൂടാത്തൊരീ പൂവിൽ കൺ വെയ്ക്കല്ലേ"" എന്ന ഈ ഗാനം. യൂസഫലി കേച്ചേരി എഴുതി, ജി ദേവരാജൻ സംഗീതം നൽകി, കെ ജെ യേശുദാസ്. പി ജയചന്ദ്രൻ, കോറസ് എന്നിവർ ആലപിച്ച ഗാനം. ജിപി ഫിലിംസിന്റെ ബാനറിൽ ജി.പി. ബാലൻ നിർമ്മിച്ച് ഹരിഹരൻ സംവിധാനം ചെയ്ത് 1980ൽ പുറത്തുവന്ന ഒരു മലയാള ചലച്ചിത്രമാണ് ലാവ. പ്രേം നസീർ,മാധവി, ജഗതി ശ്രീകുമാർ, പ്രമീള, സത്താർ തുടങ്ങിയവർ അഭിനയിച്ച ഈ ചിത്രത്തിന്റെ സംഗീതം ദേവരാജൻ കൈകാര്യം ചെയ്തിരിക്കുന്നു. 1961ൽ ഹിന്ദിയിൽ ദിലീപ്കുമാർ അഭിനയിച്ച ഗംഗ ജമുന എന്ന ചിത്രത്തിന്റെയും 1971ൽ തമിഴിൽ ശിവാജിഗണേശൻ അഭിനയിച്ച ഇരു തുറവും എന്ന ചിത്രത്തിന്റെയും പുനരാഖ്യാനമാണ് ഈ ചിത്രം.