1986 ൽ ജോഷി സംവിധാനം ചെയ്ത വീണ്ടും എന്ന സിനിമയിലെ പ്രശസ്തമായ ഗാനമാണ് "ദൂരെ മാമലയിൽ പൂത്തൊരു" എന്നു തുടങ്ങുന്ന ഗാനം. ഷിബു ചക്രവർത്തി വരികളെഴുതി ഔസേപ്പച്ചൻ ഈണം നൽകിയ ഈ ഗാനം പാടിയിരിക്കുന്നത് കെ. ജെ യേശുദാസാണ്. ഏറെ ആരാധകരാണ് ഇന്നും ഈ ഗാനത്തിനുള്ളത്. കുഞ്ഞിന്റെ ജന്മദിനത്തിൽ അച്ഛൻ തന്റെ സ്നേഹവാത്സല്യങ്ങൾ പ്രകടിപ്പിക്കുന്നതാണ് പാട്ടിന്റെ ഇതിവൃത്തം. അതേസമയം തന്നെ നായകനും നായികയും തമ്മിലുള്ള പഴയ പ്രണയരംഗങ്ങൾ അവർ ഓർത്ത് എടുക്കുകയും ചെയ്യുന്നുണ്ട്. അതിനാൽ തന്നെ പ്രണയഗാമായോ കുട്ടികൾക്കായുള്ള ഗാനമായോ സ്വീകരിക്കാവുന്ന രീതിയിലാണ് പാട്ട് ചിട്ടപ്പെടുത്തിയിരിക്കുന്നത്.