കുഞ്ചാക്കോ സംവിധാനം ചെയ്ത് 1974-ൽ പുറത്തിറങ്ങിയ മലയാള ചലച്ചിത്രമാണ് “ദുർഗ്ഗ”. പ്രേം നസീർ, അടൂർ ഭാസി, മണവാളൻ ജോസഫ്, ബോബൻ കുഞ്ചാക്കോ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചിത്രത്തിന് സംഗീതം നൽകിയത് ജി.ദേവരാജനായിരുന്നു. എൻ.ഗോവിന്ദൻകുട്ടിയാണ് തിരക്കഥ നിർവഹിച്ചിരിക്കുന്നത്. എൻ. എ. താരയാണ് ചിത്രത്തിന് ഛായാഗ്രഹണം നിർവ്വഹിച്ചത്. ഉദയയാണ് ചിത്രം വിതരണം ചെയ്ത നിർമ്മാണ കമ്പനി. 1974 ഏപ്രിൽ 5 നാണ് ചിത്രം റിലീസ് ചെയ്തത്.