"എ ബി രാജ് സംവിധാനം ചെയ്ത് ടി ഇ വാസുദേവൻ നിർമ്മിച്ച് 1969-ൽ പുറത്തിറങ്ങിയ മലയാളചലച്ചിത്രമാണ് ഡേഞ്ചർ ബിസ്‌ക്കറ്റ്. പ്രേം നസീർ, ഷീല, അടൂർ ഭാസി, എൻ.ഗോവിന്ദൻകുട്ടി, സാധന, പറവൂർ ഭരതൻ, കോട്ടയം ചെല്ലപ്പൻ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. വി. ദക്ഷിണാമൂർത്തിയാണ് ചിത്രത്തിന് സംഗീതം നൽകിയത്. സ്വർണ ബിസ്‌ക്കറ്റ് കടത്ത് അന്വേഷിക്കാൻ നിയോഗിക്കപ്പെട്ട രഹസ്യ പോലീസുകാരൻ ബാലചന്ദ്രനെ ഞെട്ടിക്കുന്ന കണ്ടെത്തലുകളിലേക്ക് നയിക്കുന്നതാണ് കഥ."