1972-ൽ പുറത്തിറങ്ങിയ 'ബ്രഹ്മചാരി' എന്ന മലയാള സിനിമയിലെ ഒരു ഗാനമാണ് 'ചിത്രശിലപാളികൾ കൊണ്ടൊരു' എന്ന ഗാനം. ജെ ശശികുമാറായിരുന്നു ചിത്രത്തിന്റെ സംവിധായകൻ. ഈ ഗാനം ആലപിച്ചത് കെ ജെ യേശുദാസും സംഗീതം വി ദക്ഷിണമൂർത്തിയുമാണ്. വയലാർ രാമവർമയാണ് ഈ ഗാനത്തിന്റെ വരികൾ എഴുതിയത്. പ്രേം നസീർ, ശാരദ, അടൂർ ഭാസി, ജോസ് പ്രകാശ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്. ഒരു തമിഴ് സിനിമയുടെയും ഹിന്ദി സിനിമയുടെയും റീമേക്ക് ആയിരുന്നു ഈ ചിത്രം.