"എം ആർ ജോസഫ് രചിച്ച് എ ബി രാജ് സംവിധാനം ചെയ്ത 1976ൽ പുറത്തിറങ്ങിയ ചിരിക്കുടുക്ക എന്ന ചിത്രത്തിലെ ഗാനമാണ് ""ചിത്രകന്യകേ നിന്മുഖം കാണുമ്പോൾ, ചിന്തയ്ക്കു ചിറകുകൾ വിടരുന്നു, എന്റെ ചിന്തയ്ക്കു ചിറകുകൾ വിടരുന്നു, വിടരുന്നു വിടരുന്നു വിടരുന്നു"". യൂസഫലി കേച്ചേരിയുടെ വരികൾക്ക് സംഗീതസംവിധാനം ചെയ്തത് ശങ്കർ ഗണേഷാണ്. മനോഹരമായ ഈ ഗാനം ആലപിച്ചിരിക്കുന്നത് ഗാനഗന്ധർവൻ കെ ജെ യേശുദാസാണ്. സ്വപ്നാ ഫിലിംസിന്റെ ബാനറിൽ ബേബിയാണ് ഈ ചിത്രം നിർമിച്ചത്. പ്രേംനസീർ, ജയഭാരതി, തിക്കുറിശ്ശി സുകുമാരൻ നായർ, ടി ആർ ഓമന, വിധുബാല, റാണി ചന്ദ്ര, ശങ്കരാടി, ജോസ് പ്രകാശ്, കെ പി എ സി ലളിത, കൊച്ചിൻ ഹനീഫ, മല്ലിക സുകുമാരൻ, പ്രിയൻ തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. എകൃഷ്ണൻകുട്ടിയാണ് ഛായാഗ്രഹണം നിർവഹിച്ചത്. ചിത്രസംയോജനം കെ ശങ്കുണ്ണി. ചിത്രകന്യകേ നിന്മുഖം, കുളിരു കോരണ്‌ കരള്‌ തുടിക്കണ്‌, മധുരമധുരമെൻ, ചിരിക്കുടുക്കേ, റിക്ഷാവാലാ ഓ റിക്ഷാവാലാ എന്നിവയാണ് ഈ ചിത്രത്തിലെ മറ്റു ഗാനങ്ങൾ."