മുതുകുളം രാഘവൻ പിള്ള രചിച്ച് മോഹൻ റാവു സംവിധാനം ചെയ്ത 1952ൽ പുറത്തിറങ്ങിയ വിശപ്പിന്റെ വിളി എന്ന ചിത്രത്തിലെ ഗാനമാണ് "ചിന്തയിൽ നീറുന്ന ജീവിതം, പാരിലെന്തിനു പേറുന്നതീ വിധം, കാശില്ലാത്തോൻ പ്രേമജീവിതം, ചുമ്മാ താശിപ്പതും മൂഢകാമിതം". അഭയദേവിന്റെ വരികൾക്ക് സംഗീതസംവിധാനം ചെയ്തത് പി എസ് ദിവാകറാണ്. മനോഹരമായ ഈ ഗാനം ആലപിച്ചിരിക്കുന്നത് ജോസ് പ്രകാശും കവിയൂർ രേവമ്മയും ചേർന്നാണ്. കെ. കെ. പ്രൊഡക്ഷൻസിന്റെ ബാനറിൽ കെ. വി. കോശിയും എം. കുഞ്ചാക്കോയും ചേർന്നാണ് ഈ ചിത്രം നിർമിച്ചത്. പ്രേം നസീർ, തിക്കുറിശ്ശി, കുമാരി തങ്കം പങ്കജവല്ലി എസ്.പി. പിള്ള തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. ഛായാഗ്രഹണം ഇ.ആർ. കൂപ്പറും ചിത്രസംയോജനം എസ്. വില്ല്യംസുമാണ് നിർവഹിച്ചത്.