"ചെങ്കതിർ കയ്യും വീശി പൊൻപുലർപൂങ്കാറ്റേ മഞ്ഞണിപുല്ലിൽ തങ്ങും സങ്കടം മായ്ച്ചാട്ടേ" എന്ന ഗാനം 2011 ൽ പുറത്തിറങ്ങിയ "സ്‌നേഹവീട്" എന്ന ചിത്രത്തിലേതാണ്. റഫീഖ് അഹമ്മദിന്റെ വരികൾക്ക് ഇളയരാജയുടെ സംഗീതം. കീരവാണി രാഗത്തിൽ ചിട്ടപ്പെടുത്തിയ ഈ ഗാനം ആലപിച്ചിരിക്കുന്നത് കെ.എസ്.ചിത്രയാണ്. ഈ ചിത്രത്തിന് കഥ,തിരക്കഥ,സംഭാഷണം,സംവിധാനം എന്നിവ നിർവഹിച്ചത് സത്യൻ അന്തിക്കാട് ആണ്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് ഈ ചിത്രം നിർമ്മിച്ചിരിക്കുന്നത്.