എ. വിൻസെന്റ് സംവിധാനം ചെയ്ത് 1973-ൽ പുറത്തിറങ്ങിയ മലയാള ചലച്ചിത്രമാണ് "ചെണ്ട". മധു, ശ്രീവിദ്യ, സുകുമാരി, സുധീർ, കവിയൂർ പൊന്നമ്മ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചിത്രത്തിന് സംഗീതം നൽകിയത് ജി.ദേവരാജനായിരുന്നു. തോപ്പിൽ ഭാസിയാണ് ചിത്രത്തിന്റെ തിരക്കഥ നിർവഹിച്ചത് . എ വെങ്കട്ടാണ് ഛായാഗ്രഹണം നിർവഹിച്ചത്. സന്മാർഗ ചിത്രയാണ് ചിത്രം വിതരണം ചെയ്ത നിർമ്മാണ കമ്പനി. 1973 ഏപ്രിൽ 27-നാണ് ചിത്രം റിലീസ് ചെയ്തത്.