1940ലാണ് ചേലൂർ നാധോദയം ഭാഷാ ചമ്പു എന്ന കൃതി പ്രസിദ്ധീകരിച്ചത്. കൊച്ചി മലയാള ഭാഷ പരിഷ്കരണ കമ്മിറ്റിയാണ് ഈ പുസ്തകം രചിച്ച് പ്രസിദ്ധീകരിച്ചിരിക്കുന്നത്. 166 പേജുകളാണ് ഈ പുസ്തകത്തിലുള്ളത്. സംസ്‌കൃത ഭാഷയുടെ സ്വാധീനശക്തി കാണിക്കുന്ന പ്രസ്ഥാനമാണ് ഭാഷാചമ്പുക്കള്‍. സംസ്‌കൃതനിയമങ്ങളുടെ അയവും മലയാളത്തിന്റെ തനിമയും ഒരുപോലെ ചമ്പുക്കളിൽ പ്രകടമാണ്. സംസ്‌കൃതസാഹിത്യത്തെ അടിസ്ഥാനമാക്കി ഉടലെടുത്ത പ്രസ്ഥാനമാണിത്. പദ്യവും ഗദ്യവും ചേര്‍ന്ന്‌ മിശ്രമായാണ് ചമ്പുക്കളുടെ ഘടനാരീതി. ഗദ്യപദ്യസമ്മിളിതമായ കാവ്യം എന്നിതിനെ വിളിക്കാം. കേൾവിക്കാരിൽ ദൈവഭക്തി ജനിപ്പിക്കുക എന്നതാണ് ചമ്പുക്കളുടെ മുഖ്യമായ ഉദ്ദേശ്യം.