കുഞ്ചാക്കോ നിർമ്മിച്ച് സംവിധാനം ചെയ്ത് 1975-ൽ പുറത്തിറങ്ങിയ മലയാളചലച്ചിത്രമാണ് “ചീനവല". പ്രേം നസീർ, ജയഭാരതി, കെ.പി.എ.സി ലളിത, അടൂർ ഭാസി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. എം. കെ. അർജുനൻ ഈണം പകർന്ന ഗാനങ്ങളും സംഗീതവും ഈ ചിത്രത്തിനുണ്ട്. വയലാർ രാമവർമയാണ് ചിത്രത്തിലെ ഗാനങ്ങളുടെ വരികൾ ഒരുക്കിയിരിക്കുന്നത്. ശാരംഗപാണിയാണ് ചിത്രത്തിന് തിരക്കഥ ഒരുക്കിയത്. ബാലു മഹേന്ദ്രയാണ് ഛായാഗ്രഹണം നിർവഹിച്ചത്. ഉദയയാണ് ചിത്രം വിതരണം ചെയ്ത നിർമ്മാണ കമ്പനി. 1975 ഡിസംബർ 24-നാണ് ചിത്രം റിലീസ് ചെയ്തത്.