ജഗതി എൻ കെ ആചാരി കഥയും തിരക്കഥയും എഴുതി കെ സുകു സംവിധാനം ചെയ്ത് പ്രേംനസീർ, ജയഭാരതി, കെ പി ഉമ്മർ എന്നിവർ പ്രധാന വേഷങ്ങളിൽ എത്തിയ ചലച്ചിത്രമാണ് 'കൊട്ടാരം വിൽക്കാനുണ്ട്'. ഈ സിനിമയ്ക്ക് വേണ്ടി വയലാർ രാമവർമ്മ വരികളെഴുതി ജി. ദേവരാജൻ മാസ്റ്റർ ഈണം നൽകിയ ഗാനമാണ് "ചന്ദ്രകളഭം ചാർത്തിയുറങ്ങും തീരം ഇന്ദ്ര ധനുസ്സിൻ തൂവൽ പൊഴിയും തീരം" എന്നുള്ളത്. കെ.ജെ യേശുദാസും പി. മാധുരിയും ഈ ഗാനം വ്യത്യസ്തമായ ശൈലിയിൽ ആലപിച്ചിട്ടുണ്ട്. കേരളത്തിന്റെ സൗന്ദര്യത്തെ ഇതിലും മനോഹരമായി വിവരിക്കുന്ന വരികലുണ്ടോ എന്നത് സംശയമാണ്. "ഈ മനോഹര തീരത്ത് തരുമോ ഇനിയൊരു ജന്മം കൂടി" എന്ന വരികൾ നാം ജനിച്ച മണ്ണിന്റെ മഹത്വത്തെയാണ്‌ വിവരിക്കുന്നത്.