ജെ. ശശികുമാർ സംവിധാനം ചെയ്ത് 1972-ൽ പുറത്തിറങ്ങിയ ഒരു ഇന്ത്യൻ മലയാളം ചലച്ചിത്രമാണ് "ബ്രഹ്മചാരി". എസ്.എസ്.ടി.ലക്ഷ്മണൻ, എസ്.എസ്.ടി.സുബ്രഹ്മണ്യം, തിരുപ്പതി ചെട്ടിയാർ എന്നിവർ ചേർന്നാണ് ഇത് നിർമ്മിച്ചത്. പ്രേം നസീർ, ശാരദ, അടൂർ ഭാസി, ജോസ് പ്രകാശ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. വി. ദക്ഷിണാമൂർത്തിയാണ് ചിത്രത്തിന് സംഗീതം നൽകിയത്. 1967-ൽ പുറത്തിറങ്ങിയ തമിഴ് ചിത്രമായ പെണ്ണേ നീ വാഴ്ഗയുടെയും ഹിന്ദി ചിത്രമായ ഏക് നാരി ഏക് ബ്രഹ്മചാരിയുടെയും റീമേക്ക് ആയിരുന്നു ഈ ചിത്രം.