പി.മാധുരി പാടിയ നീയെത്ര ധന്യ എന്ന ചിത്രത്തിലെ ഒരു ഗാനമാണ് "ഭൂമിയെ സ്നേഹിച്ച ദേവാംഗനയൊരു". പി മാധുരി എന്ന സ്റ്റേജ് നാമത്തിലാണ് ശിവജ്ഞാനം അറിയപ്പെടുന്നത്. 1987-ൽ പുറത്തിറങ്ങിയ ഒരു ഇന്ത്യൻ മലയാള ഭാഷാ ചിത്രമായ നീയെത്ര ധന്യ ജെസ്സി ആണ് സംവിധാനം ചെയ്തത്. കാർത്തിക, മുരളി, മേനക, മുകേഷ് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ജി.ദേവരാജൻ മാസ്റ്റർ ഈണമിട്ട ഗാനത്തിന്റെ ഗാനരചന നിർവഹിച്ചത് ഒ.എൻ.വി.കുറുപ്പാണ്. 1980-ൽ തിരുവനന്തപുരത്ത് പ്രശസ്ത ഇന്ത്യൻ പിന്നണി ഗായകൻ കെ.ജെ. യേശുദാസ് സ്ഥാപിച്ച സംഗീത കമ്പനിയായ തരംഗിണി റെക്കോർഡ്സാണ് ആൽബം പുറത്തിറക്കിയത്. കെ.കെ.സുധാകരന്റെ ഒരു ഞാറാഴ്ച്ചയുടെ ഓർമയ്ക്ക് എന്ന നോവലിനെ ആസ്പദമാക്കിയുള്ള മലയാളചലച്ചിത്രമാണ് നീയെത്ര ധന്യ. ആത്മഹത്യ ചെയ്ത ശ്യാമ എന്ന യുവതിയുടെ വിവരണവും അവളുടെ മരണവുമായി ബന്ധപ്പെട്ട സാഹചര്യങ്ങളും ഈ സിനിമ രേഖപ്പെടുത്തുന്നു. കാർത്തികയാണ് ശ്യാമയെ അവതരിപ്പിക്കുന്നത്.