പി. എൻ. സുന്ദരം സംവിധാനം ചെയ്ത് പാവമണി നിർമ്മിച്ച 1975-ൽ പുറത്തിറങ്ങിയ മലയാളചലച്ചിത്രമാണ് "അയോധ്യ". പ്രേം നസീർ, അടൂർ ഭാസി, ശങ്കരാടി, ശ്രീലത നമ്പൂതിരി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചിത്രത്തിന് സംഗീതം നൽകിയിരിക്കുന്നത് ജി.ദേവരാജനാണ്. സംസാരം എന്ന തെലുങ്ക് ചിത്രത്തിന്റെ റീമേക്ക് ആയിരുന്നു ഈ ചിത്രം. തോപ്പിൽ ഭാസിയാണ് ചിത്രത്തിന്റെ തിരക്കഥ. പി എൻ സുന്ദരം ഛായാഗ്രഹണം നിർവ്വഹിച്ചു. പ്രതാപ് ചിത്രയായിരുന്നു ചിത്രം വിതരണം ചെയ്ത നിർമ്മാണ കമ്പനി. 1975 ആഗസ്റ്റ് 15 നാണ് ചിത്രം റിലീസ് ചെയ്തത്.