"""സൂര്യദാഹം"" എന്ന ചിത്രത്തിലെ ഗാനമാണ് ""ആയിരം മാരിവിൽ വർണ്ണങ്ങളാൽ മണ്ണിൽ അംഗനേ നിന്നെ ചമച്ചൂ നിൻ സർപ്പ സൗന്ദര്യ ബിംബത്തിനുള്ളിലൊ രഞ്ജാത മാനസം തീർത്തു "" എന്ന ഈ ഗാനം. ബിച്ചു തിരുമല ആണ് ഈ വരികൾ എഴുതിയത്. ജി ദേവരാജൻ ഈണം നൽകി പി സുശീല ആലപിച്ച ഗാനം. ദീപ ഫിലിംസിന്റെ ബാനറിൽ മോഹൻ സംവിധാനം ചെയ്ത് 1980ൽ പ്രദർശനത്തിനെത്തിയ മലയാളചലച്ചിത്രമാണ് സൂര്യദാഹം. പെരുമ്പടവം ശ്രീധരന്റെ അതേപേരിലുള്ള നോവലിന്റെ ചലച്ചിത്രാവിഷ്കാരമായിരുന്നു സൂര്യദാഹം. ശോഭ, സുകുമാരൻ, പ്രിയംവദന, വിധുബാല എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്. അക്കൊല്ലത്തെ മികച്ച കഥയ്ക്കുള്ള കേരളസംസ്ഥാന ചലച്ചിത്രപുരസ്കാരം ഈ ചിത്രത്തിലൂടെ പെരുമ്പടവം ശ്രീധരനു ലഭിച്ചു. ഈ ചിത്രത്തിലെ അഭിനയത്തിന് പ്രിയംവദന അക്കൊല്ലത്തെ മികച്ച സഹനടിക്കുള്ള സംസ്ഥാന പുരസ്കാരവും നേടി."