"സത്യവാൻ സാവിത്രി" എന്ന ചലച്ചിത്രത്തിലെ ഗാനമാണ് "ആഷാഢം മയങ്ങി നിൻ മുകിൽ വേണിയിൽ ആകാശം തിളങ്ങി നിൻ നയനങ്ങളിൽ രാഗം നിന്നധരത്തിൽ തപസ്സിരുന്നൂ അനുരാഗ മെൻ മനതാരിൽ തുടിച്ചുയർന്നൂ" എന്ന ഈ ഗാനം. ശ്രീകുമാരൻ തമ്പി എഴുതി, ജി ദേവരാജൻ സംഗീതം നൽകി, കെ ജെ യേശുദാസ് ആലപിച്ച ഗാനം. രാഗം - ശുദ്ധധന്യാസി. പി.ജി. വിശ്വംഭരൻ സംവിധാനം ചെയ്ത് 1977 ൽ പുറത്തിറങ്ങിയ ഒരു മലയാള ഭാഷാ ചലച്ചിത്രമാണ് സത്യവാൻ സാവിത്രി. കമലഹാസൻ, ശ്രീദേവി എന്നിവരാണ് ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്. ചിത്രം അതേ തലക്കെട്ടോടെ തമിഴിലേക്കും സത്യവന്തുദു എന്ന പേരിൽ തെലുങ്കിലേക്കും മൊഴിമാറ്റം ചെയ്യപ്പെട്ടു.