"രാജശില്പി" എന്ന സിനിമയിലെ അതിമനോഹരമായ ഗാനമാണ് "അറിവിൻ നിലാവേ മറയുന്നുവോ നീ സ്മൃതിനിലാവിൻ കണിക തേടി" എന്നത്. ഒ.എൻ. വി കുറുപ്പ് വരികളെഴുതി രവീന്ദ്രൻ മാഷ് ഈണം നൽകിയ ഈ ഗാനം ആലപിച്ചിരിക്കുന്നത് മലയാളത്തിന്റെ വാനമ്പാടി കെ. എസ് ചിത്രയാണ്. ഭാനുപ്രിയയാണ് ഈ ഗാനരംഗത്തിൽ അഭിനയിച്ചിരിക്കുന്നത്. ഭാനുപ്രിയയുടെ നൃത്തം ഗാനത്തിന്റെ സൗന്ദര്യം വർധിപ്പിക്കുന്നു. ഭക്തി, രതി, പ്രേമ ഭാവ രസങ്ങളോടെയുള്ള ഭാനുപ്രിയയുടെ നൃത്തവും ചിത്രയുടെ ആലാപനവും പ്രേക്ഷകരെ ആസ്വാദനത്തിന്റെ മറ്റൊരു തലത്തിൽ കൊണ്ടെത്തിയ്ക്കുന്നു.