"മുടിയനായ പുത്രൻ" എന്ന നാടകത്തിലെ ഗാനമാണ് "അരയരയരയോ കിങ്ങിണിയരയോ അരയരയോ കിങ്ങിണിയോ കൊരവപ്പൂ പൊങ്ങ്‌ണ കണ്ടോ കൊരവയിടോ കുരുവിപ്പെണ്ണേ കൊരവയിടാൻ ദൂരെ കാണണ കൊരവപ്പൂ പൊങ്ങ്ണതല്ലാ" എന്ന ഈ ഗാനം. ഒ എൻ വി കുറുപ്പ് എഴുതി , ജി ദേവരാജൻ സംഗീതം നൽകിയ ഗാനം. ആലപിച്ചത് കെ എസ് ജോർജ് & സംഘം.തോപ്പിൽ ഭാസി രചിച്ച നാടകമാണ് മുടിയനായ പുത്രൻ. 1959-ൽ നാടകരചനയ്ക്കുള്ള കേരള സാഹിത്യ അക്കാദമി പുരസ്കാരം ഈ കൃതി നേടിയിട്ടുണ്ട്. മലയാള നാടകകൃത്തും തിരക്കഥാകൃത്തും ചലച്ചിത്രസം‌വിധായകനുമായിരുന്നു തോപ്പിൽ ഭാസി (1924 – 1992). യഥാർത്ഥനാമം തോപ്പിൽ ഭാസ്കരപിള്ള. മലയാളനാടകപ്രസ്ഥാനത്തിന് മൗലിക സംഭാവന നല്കിയ നാടകകൃത്തും ഇന്ത്യൻ കമ്മ്യൂണിസ്റ്റ് പാർട്ടി നേതാവും നിയമസഭാ സാമാജികനും കൂടിയായിരുന്നു.