1976-ൽ പുറത്തിറങ്ങിയ ഒരു മലയാളം ചലച്ചിത്രമാണ് അനാവരണം. എ. വിൻസെന്റ് സംവിധാനം ചെയ്ത് കെ.ജെ. ജോസഫ് ആണ് ചിത്രം നിർമ്മിച്ചത്. 1976 ഏപ്രിൽ 30-ന് അനാവരണം പുറത്തിറങ്ങി. ടി. ചന്ദ്രൻ നായർ, സത്താർ, ജനാർദനൻ, റാണി ചന്ദ്ര എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. ജി.ദേവരാജൻ സംഗീതസംവിധാനം നിർവ്വഹിച്ചിരിക്കുന്ന ചിത്രത്തിന്റെ വരികൾ എഴുതിയിരിക്കുന്നത് വയലാറാണ്. തോപ്പിൽ ഭാസിയാണ് തിരക്കഥ. സൂര്യ പ്രകാശ് ഛായാഗ്രഹണം നിർവഹിച്ചു. ചെറുപുഷ്പം ഫിലിംസ് ആണ് ചിത്രം വിതരണം ചെയ്തത്.