"അമ്മേ മലയാളമേ എന്റെ ജന്മ സംഗീതമേ അമ്മേ മലയാളമേ എന്റെ ജന്മ സംഗീതമേ കർമ്മധർമ്മങ്ങൾ തൻ പാഠം പഠിപ്പിച്ച പുണ്യവിദ്യാലയമേ ധ്യാനധന്യ കാവ്യാലയമേ അമ്മേ മലയാളമേ എന്റെ ജന്മ സംഗീതമേ ദാനമഹാസ്സിനാൽ ദേവനെ തോൽപ്പിച്ച ഭാവന നിന്റെ സ്വന്തം ദാനമഹാസ്സിനാൽ ദേവനെ തോൽപ്പിച്ച ഭാവന നിന്റെ സ്വന്തം സൂര്യ തേജസ്സുപോൽ വാണൊരാ ഭാർഗ്ഗവ- രാമനും നിന്റെ സ്വന്തം അതിഥിക്കായ് സ്വാഗതഗീതങ്ങൾ പാടിയോ-രറബിക്കടൽത്തിര നിന്റെ സ്വന്തം കൂത്ത് കേട്ടും കൂടിയാട്ടൻ കണ്ടും തിരനോട്ടം കണ്ടുമെന്നെ ഞാൻ അറിഞ്ഞൂ അമ്മേ മലയാളമേ എന്റെ ജന്മ സംഗീതമേ" - 'ദൂരദർശൻ പാട്ടുകൾ' എന്ന മലയാളം ആൽബത്തിലെ മനോഹരമായ ഗാനമാണ്. പെരുമ്പാവൂർ ജി രവീന്ദ്രനാഥാണ് സംഗീത സംവിധാനം നിർവഹിച്ചത്. ഈ ഗാനത്തിന്റെ വരികൾ എഴുതിയിരിക്കുന്നത് ശ്രീകുമാരൻ തമ്പിയാണ്. കാവാലം ശ്രീകുമാറാണ് ഈ ഗാനം ആലപിച്ചത്.