"പി. കേശവദേവ് കഥയും തിരക്കഥയും എഴുതി കെ.എസ് സേതുമാധവൻ സംവിധാനം ചെയ്ത 'ഓടയിൽ നിന്ന് 'എന്ന സിനിമയിലെ ഗാനമാണ് ""അമ്പലക്കുളങ്ങരെ കുളിക്കാൻ ചെന്നപ്പോൾ അയലത്തെ പെണ്ണുങ്ങൾ കളിയാക്കീ"" എന്നുള്ളത്. വയലാർ രാമവർമ്മയുടെ വരികൾക്ക് ഈണം നൽകിയിരിക്കുന്നത് ജി. ദേവരാജൻ മാസ്റ്ററാണ്. പി. ലീലയാണ്‌ ഈ മനോഹരമായ ഗാനം പാടിയിരിക്കുന്നത്. 1965ൽ പുറത്തിറങ്ങിയ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് പ്രേം നസീർ, സത്യൻ, അടൂർ ഭാസി, കവിയൂർ പൊന്നമ്മ, കെ. ആർ. വിജയ, കളരിക്കൽ കുമാരൻ തുടങ്ങിയവരാണ്."