"""ഒള്ളതുമതി (1967)"" എന്ന ചലച്ചിത്രത്തിലെ ഗാനമാണ് ""അജ്ഞാത സഖീ ആത്മസഖീ അനുരാഗനര്‍മ്മദാ തീരത്തു നില്‍പ്പു നീ ആകാശ പുഷ്പങ്ങള്‍ ചൂടീ ആകാശപുഷ്പങ്ങള്‍ ചൂടീ"" എന്ന ഈ ഗാനം. വയലാർ രാമവർമ്മ എഴുതി, എല്‍ പി ആര്‍ വര്‍മ സംഗീതം നൽകി, കെ ജെ യേശുദാസ് ആലപിച്ച ഗാനം. മാതാജി പിക്ചേഴ്സിനുവേണ്ടി എം.വി. ചന്ദ്രശേഖരൻ മലയാളത്തിൽ നിർമിച്ച ഹാസ്യചിത്രമാണ് ഒള്ളതുമതി. ജമിനി പിക്ചേഴ്സ് വിതരണം ചെയ്ത ഈ ചിത്രം 1967 ഡിസംബർ 22-ന് പ്രദർശനം ആരംഭിച്ചു. അറുപതുകളിലും എഴുപതുകളിലും കേരളത്തിൽ മുഴുവൻ പ്രചരിക്കപ്പെട്ട ആനന്ദജീവിതം കുടുംബാസൂത്രണത്തിലൂടെ എന്ന ആശയത്തിന് ഊന്നൽ നൽകി നിർമ്മിച്ച ചിത്രമാണിത്. കുടുംബാസൂത്ര പ്രചാരണ ചിത്രം എന്ന നിലയ്ക്ക് ഈ ചിത്രത്തെ സർക്കാർ വിനോദനികുതിയിൽ നിന്ന് ഒഴിവാക്കിയിരുന്നു.