മോചനം എന്ന ചിത്രത്തിലെ ഒരു മലയാളം ഗാനമാണ് ആദ്യാവസന്തം പോലെ. തോപ്പിൽ ഭാസി സംവിധാനം ചെയ്ത് പി. സ്റ്റാൻലി നിർമ്മിച്ച് 1978-ൽ പുറത്തിറങ്ങിയ മലയാളചലച്ചിത്രമാണ് മോചനം. ജയൻ, സുകുമാരി, ജയഭാരതി, ഉണ്ണിമേരി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ജി.ദേവരാജനാണ് ചിത്രത്തിന്റെ ശബ്ദരേഖ ഒരുക്കിയത്. എം ഡി രാജേന്ദ്രനാണ് ഗാനത്തിന്റെ വരികൾ എഴുതിയത്. തെന്നിന്ത്യൻ പിന്നണി ഗായിക ശിവജ്ഞാനത്തിന്റെ സ്റ്റേജ് നാമത്തിൽ അറിയപ്പെടുന്ന പി.മാധുരിയാണ് ഗാനം ആലപിച്ചത്. മലയാളം, തമിഴ്, തെലുങ്ക് ഗാനങ്ങൾ അവർ അവതരിപ്പിച്ചിട്ടുണ്ട്. മികച്ച പിന്നണി ഗായികയ്ക്കുള്ള കേരള സംസ്ഥാന ചലച്ചിത്ര അവാർഡ് രണ്ട് തവണ അവർക്ക് ലഭിച്ചിട്ടുണ്ട്.