"ലെനിൻ രാജേന്ദ്രൻ രചിച്ച് സംവിധാനം ചെയ്ത 2000ൽ പുറത്തിറങ്ങിയ മഴ എന്ന ചിത്രത്തിലെ ഗാനമാണ് ""ആഷാഢം പാടുമ്പോളാത്മാവിൻ, രാഗങ്ങൾ ആനന്ദനൃത്തമാടുമ്പോൾ, വെള്ളാരംമുത്തും കൊണ്ടാകാശം പ്രേമത്തിൻ, കൈക്കുമ്പിൾ നീട്ടുമ്പോൾ മനസ്സിലും മൃദംഗമം"".കെ ജയകുമാറിന്റെ വരികൾക്ക് സംഗീതസംവിധാനം ചെയ്തത് രവീന്ദ്രനാണ്. മനോഹരമായ ഈ ഗാനം ആലപിച്ചിരിക്കുന്നത് കെ ജെ യേശുദാസ്, കെ എസ് ചിത്ര എന്നിവർ ചേർന്നാണ്. മില്ലേനിയം സിനിമയുടെ ബാനറിൽ ജി ഹരികുമാറാണ് ഈ ചിത്രം നിർമിച്ചത്. സംയുക്ത വർമ്മ, ലാൽ, ഊർമിള ഉണ്ണി, ജഗതി ശ്രീകുമാർ, തിലകൻ, ബിജു മേനോൻ, സിന്ധു ശ്യാം, ലക്ഷ്മി രത്തൻ, ഓമന ഔസേഫ്, ഗായത്രി തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. എസ് കുമാർ ISC യാണ് ഛായാഗ്രഹണം നിർവഹിച്ചത്. ചിത്രസംയോജനം ബീനാ പോൾ, ബി അജിത് കുമാർ എന്നിവർ. ആരാദ്യം പറയും, മഞ്ഞിന്റെ മറയിട്ട, ഗേയം ഹരിനാമധേയം, ഇത്രമേൽ മണമുള്ള, വാര്‍മുകിലെ വാനില്‍ നീ, ഹിമശൈലസൗന്ദര്യമായ്, പാരുക്കുള്ളേ നല്ല നാട് എന്നിവയാണ് ഈ ചിത്രത്തിലെ മറ്റു ഗാനങ്ങൾ."