"ആരോ കമഴ്ത്തി വെച്ചോരോട്ടുരുളി പോലെ ആകാശത്താവണി തിങ്കൾ ആകാശത്താവണി തിങ്കൾ പഴകിയൊരോർമ്മയായ് മിഴിനീരു വാർക്കും (2) പാഴിരുൾ തറവാടെൻ മുന്നിൽ ഒരിക്കൽക്കൂടിയീ തിരുമുറ്റത്തെത്തുന്നു ഓണനിലാവും ഞാനും ഈ ഓണനിലാവും ഞാനും (ആരോ) ഉണ്ണിക്കാലടികൾ പിച്ച നടന്നൊരീ മണ്ണിനെ ഞാനിന്നും സ്നേഹിക്കുന്നു ആർദ്രമാം ചന്ദനതടിയിലെരിഞ്ഞൊരെൻ അച്ഛന്റെ ഓർമ്മയെ സ്നേഹിക്കുന്നു അരതുടം കണ്ണീരാലത്താഴം വിളമ്പിയോരമ്മ തൻ ഓർമ്മയെ സ്നേഹിക്കുന്നു ഞാൻ അമ്മ തൻ ഓർമ്മയെ സ്നേഹിക്കുന്നു" - 'തിരുവോണകൈനീട്ടം' എന്ന മലയാള ആൽബത്തിലെ മനോഹരമായ ഒരു ഗാനം. കെ ജെ യേശുദാസാണ് ഈ ഗാനം ആലപിച്ചത്. വിദ്യാസാഗർ ആണ് സംഗീത സംവിധാനം നിർവഹിച്ചത്. ഈ ഗാനത്തിന്റെ വരികൾ എഴുതിയത് ഗിരീഷ് പുത്തഞ്ചേരിയാണ്.