രാജൻ കിഴക്കേനല തിരക്കഥയും സംഭാഷണവും എഴുതി രാജസേനൻ സംവിധാനം ചെയ്ത്, ജയറാം,അഭിരാമി,നരേന്ദ്രപ്രസാദ്, ഒടുവിൽ ഉണ്ണികൃഷ്ണൻ എന്നിവർ പ്രധാന വേഷങ്ങളിൽ എത്തിയ ചലച്ചിത്രമാണ് ഞങ്ങൾ സന്തുഷ്ടരാണ്. ഈ സിനിമയ്ക്ക് വേണ്ടി എസ്.രമേശൻ നായർ വരികളെഴുതി ഔസേപ്പച്ചൻ ഈണം നൽകിയ ഗാനമാണ് " ആണല്ല പെണ്ണല്ല അടിപൊളി വേഷം " എന്നുള്ളത്. ഈ ഗാനം പാടിയിരിക്കുന്നത് എംജി ശ്രീകുമാർ ആണ്. ഭർത്താവ് അഹങ്കാരിയായ തന്റെ ഭാര്യയെ കളിയാക്കുന്ന സന്ദർഭമാണ് ഗാനത്തിലുള്ളത്.ഭാര്യയുടെ വസ്ത്രധാരണത്തെയും ജീവിതരീതികളെയും ഗാനത്തിലൂടെ വിമർശിക്കുകയാണ് നായകൻ.