"ടി ദാമോദരൻ രചിച്ച് ഐ വി ശശി സംവിധാനം ചെയ്ത 1982ൽ പുറത്തിറങ്ങിയ ഈ നാട് എന്ന ചിത്രത്തിലെ ഗാനമാണ് ""ആകാശ പെരുംതച്ചന്‍ ആഞ്ഞിലിമരം വെട്ടി, അഴകുള്ളൊരു പമ്പരം പണിതൊരുക്കി, കിഴക്കു നിന്നു പടിഞ്ഞാട്ട് കറങ്ങിത്തിരിഞ്ഞ് വരുന്നല്ലോ, പമ്പരംകത്തണ പമ്പരം"". യൂസഫലി കേച്ചേരിയുടെ വരികൾക്ക് സംഗീതസംവിധാനം ചെയ്തത് ശ്യാമാണ്. മനോഹരമായ ഈ ഗാനം ആലപിച്ചിരിക്കുന്നത് ജെ എം രാജു, എസ് ജാനകി എന്നിവർ ചേർന്നാണ്. ജിയോ മൂവീസിന്റെ ബാനറിൽ എൻ ജി ജോണാണ് ഈ ചിത്രം നിർമിച്ചത്. രതീഷ്, മമ്മൂട്ടി, രവീന്ദ്രൻ, ബാലൻ കെ നായർ, അഞ്ജലി നായിഡു, കൃഷ്ണചന്ദ്രൻ, വനിത കൃഷ്ണചന്ദ്രൻ തുടങ്ങിയവരാണ് ചിത്രത്തിൽ പ്രധാനവേഷങ്ങളിൽ എത്തിയത്. എസ് എസ് ചന്ദ്രമോഹൻ, സി ഇ ബാബു എന്നിവർ ചേർന്നാണ് ഛായാഗ്രഹണം നിർവഹിച്ചത്. ചിത്രസംയോജനം കെ നാരായണൻ. മാനത്തെ ഹൂറി പോലെ, അമ്പിളി മണവാട്ടി,മാനത്തെ കൊട്ടാരത്തിൽ, തട്ടെടി ശോശാമ്മേ എന്നിവയാണ് ഈ ചിത്രത്തിലെ മറ്റു ഗാനങ്ങൾ."